ANTZERKI ERAKUSTALDIA GUREAN

Gaur goizean Villabonako Gurea aretoan antzerki erakustaldia gozatzeko aukera izan dugu Lehen Hezkuntzako Ikasle guztiak.

ETA ZER? Liburuxka famatuen bilduman oinarrituriko, ikuskizuna erakutsi digute DAR DAR taldeko: Anjel Lertxundi, Seve Calleja, Andoni Egaña eta Silvia Ugidos.

Ikuskizunaren hari nagusia gizaki guztiak desberdinak izateko dugun eskubidea izan da modu umoretsu batean adieraziz.

MADDI eta ASIERREN BISITA

Joan den ostiralean Asier irakasleak bere lau hilabeteko alaba Maddirekin Arratzainen azaldu zen.
Maddi erne eta oso lasaia azaldu zen ikasleek inguratu zutenean.

APIRILAREN 23a, LIBURU EGUNA

Bihar, apirilak 23, ospatuko da liburu eguna.
Gure ikastetxean ere jarduera batzuk antolatu dira.

Txikientzat hiru egunetan egongo dira ekintza bereziak.
Gaur Arroan 3 urtekoek, IDOIA SANCHEZ, ipuin kontalariaren bisita jaso dute, zoragarria izan da, adi-adi egon dira gure txikiak.

Gaur eta datorren ostegunean Jangelarik EZ.

Gaur asteartea eta berriz ere datorren ostegunean, ikasleak aukera izan dute goxo goxo etxean bazkaltzeko.

Batzuk lagunen etxeetan, besteak aitonekin, beste batzuk berriz lehengusuekin, eta agian baten batek lasai lasai eta bere etxeko sukaldean bakar bakarrik eta gai dela erakutsiz, bazkaltzeko aukera izan dute.
Bai, bai, egia da antolaketa ez dela erraza izan familientzat, baino horrelako aukerak, arazoek badutela bere alde ona ere, erakusten digute.
Hori bai, salbuespenak diren bitartean noski....

AURTEN ERE XABIER PIANOJOLEA GUREKIN

Oporrak hartu baino azken egunean Xabier Pianojolea izan genuen gure artean, Arratzainen eta baita ere Arroan. Besteetan bezala liluratuta geratu ginen bere piano-mugikorrak ateratzen dituen soinuekin.
Eskerrik asko Xabier!

KORRIKA 16 FLEMING ESKOLAN

Dakizutenez, gaur Korrika 16 hasiko da Tuteran; baita gure eskolan ere. Hori dela eta 1go mailakoek lekukoa hartu dute zuzendaritza eta irakasleen eskutik. Aurtengo leloa irakurri eta gero korrika egin dugu ONGI ETORRI abestia kantatuz.

Hurrengo egunetan mailaz maila pasatzen joango da lekukoa, honela, eskola osoak parte hartuko duelarik.

Horretaz gain, eskolako sarreran Euskal Herriko mapan Korrikak egingo duen ibilbidea egunero joango gara margotzen.

Egunero maila desberdin batek hartuko du lekukoa.

http://www.korrika.org/index.php

GAUR "kroa kroa " SIMULAKROA ARROAN!!!

Urtero bezala Ebakuazio Planaren frogatxoa izan dugu Arroako eraikuntzan. Oraingo honetan astelehenean izan da eta 117 ikasleak, beraien irakasle eta zaintzaileekin batera zintzo, arin eta modu egokian osatu dute eraikuntzaren hustuketa hiru minutuko denbora eskasean.
Aupa lagunak!

Hori bai esan beharra dago "xaxi" barruan ahaztu dutela.

JUAN KRUZ IGERABIDE ARRATZAINEN

Gaur goizean Juan Kruz Igerabide gure artean egon da. Liburutegian L.H.ko 3. mailakoekin bildu da. Ikasle hauek gelan landu duten"Botoi bat bezala" poema liburuari buruz Juan Kruzekin hitzegiten aritu dira. Berriz ere, guztioi erakutsi digu berak gauzak modu berezi batean begiratzen dituela. Beste liburuak:

Artur erregearen heriotza Bagdadeko aurpegiak Begi-niniaren poemak Bularretik mintzora Eskola ekologikoa Hiru ahizpa Ilargia ezpainetan Korri, Sebastian, korri! Koxo-koxoa Leo Ferguson Metamorfosiak (bertsioa) Munia ohe azpian lo Ulises (bertsioa)

ERREALEKO ATZOKO PARTIDUA

Erreala v.s Sevillaren kontra jokatu zuen

eta noski erreala irabazi zuen 2.zatian Mikel Aranburuk gol 1 sartu zuen horrela 1-0 eginez irabazi zuen.

AUPA ERREALAAAAAAAAA!!!!!!!!!!!!!!!!!!

5. MAILAKOEN ZUBIETARA IRTEERA

"ERREALA AMETS BAT"
Martxoaren 4ean, asteazkena, 5. mailakoak Zubietara irteera bat egin genuen. Gurekin batera beste bi ikastetxekoak joan ziren, Eibarkoak eta Ordizikoak. Han hiru taldetan banatu gintuzten. Taldeka gauza hauek egin genituen: bideo bat ikusi ("Erreala Amets Bat"), jolasak eta instalazioak ikusi.
PRIMERAN PASA GENUEN!!!!

INAUTERIETAN MUSIKAREN BEHARRIK EZ...

Atzo ostegun gizena eta urtero bezala,

Villabonako kaleetatik mozorroturik azaldu ginen. Haur Hezkuntzakoak Txorimaloz jantzita eta arratzaingoak Euskal Kirolariaz mozorroturik ikasitako dantza egiten saiatu ginen.
Eta benetan dantza ikasita genuela adierazteko aukera aparta izan genuen. Ohiturari jarraituz musika ezin izan genuen entzun, bainan hala ere eta musika gabe aurrera jarraitu eta dantzak burutu genituen.
Aupa Flemingoak!!!!!!

ARROA ERE INAUTERIETAN

Iritsi da egun handia,OSTEGUN GIZENA, Arroakoak txorimaloz jantziko gara gaur arratsaldean. Hori dela eta giritzeko ormairudia egin dugu eta XAXI ere eder jantzita etorri zaigu.
Guztiz ondo pasa inauteriak. GORA INAUTERIAK!!!

BIHAR INAUTERIAK 09!!!!

Ordu batzuk besterik ez dira falta 2009ko Inauteriei hasiera emateko. Aurten Arratzaingoak Euskal Kirolen inguruko mozorroekin eta Arroakoak Txorimaloz jantzita aterako dira.
Bitartean entsaio baten bat egin behar izan dute.

SANTA AGEDA BEZPERA

Gaur goizean Villabonako Udaletxean, Zaharren egoitzan eta Arroan, Santa Ageda koplak abesten aritu gara.
Eguraldi haizetsua izan dugu, batez ere Arratzaingo bidean eta gure ahots sendotik atera diren koplak haizeak eraman omen ditu Ernioaldean zehar....

SAN BLAS EGUNEAN SANTA AGEDA PRESTATZEN

Gaur San Blas eguna da eta Santa Ageda koplak entsaiatzen dugun bitartean. Hona hemen San Blas Opilak egiteko errezeta.

On egin!!!!

2009-2010 MATRIKULA IREKITA

Gaurtik aurrera, hau da, otsailaren 2tik aurrera eta 13ra bitarte, zabalduko da zuen seme-alabak gure ikastetxean matrikulatzeko epea.
Aski ezaguna da Dr. Fleming ikastetxearen lana euskararen alde eta integrazioaren alde, Pedagogia berritzailea oinarritzat duelarik eta baita teknologia berrietan ere.

Gure ikastetxearen eskaintza honako hau litzateke:

. Taillerrak. . Ikus-entzunezko gelak.
. Txokoak. . Hizkuntza idatzia txikitatik.
. Informatika. . Laguntza gela.
. Psikomotrizitatea. . Aholkularia.
. Baratza. . Ingelesa (4 urtetatik aurrera).
. Polikiroldegia. . Musika.
. Orduz kanpoko ekintzak . Antzerkia eta Marrazketa tailerrak.

Gure ikastetxearen antolaketa irekia eta partehartzailea da, gurasoek era aktibo eta zuzenean parte hartzen dutelarik.
Gure ikastetxea hobeto ezagutzeko BIDEO EMANALDI bat antolatu dugu, interesaturik zaudeten guraso guztientzat. Bi emanaldi eskeiniko dira OTSAILAREN 4ean; lehenengoa 16:30etan eta bigarrena 18:00etan.

MATRIKULA EPEA: Otsailaren 2tik 13ra.
ORDUTEGIA: Goizez: 9:00tatik 13:00etara.
Arratsaldez: 14:30etatik 17:00etara.
NON: Arroan (943-693512) edo Arratzainen (943-691413)

Bide batez gogoratu, Erniobea institutoa Derrigorrezko Bigarren Hezkuntzako ikasleentzat matrikula epea bera da.

Ricardo Alcántara idazlea Fleming-en.

Gaur idazle baten bisitaldia izan dugu Arratzainen. Flemingo Lehen zikloko ikasleak, Ricardo Alcántara idazlearekin solasean aritu dira eskolako liburutegian.
Ricardok Uruguay-en jaio eta Brasilen urte batzuk pasa ondoren, 1975ean Bartzelonara joan eta bertan jarri zen bizitzen. Gaur egun oso gustura dagoela bertan bizitzen eta idazten, aipatu digu.
“Tento” izeneko pertsonaiaren liburuetaz hitz egin digu baita ere, eta nola ezagutu zuen Gusti marratzailea, bere liburu gehienetako marrazkiak egiten dituen laguna.
“Tomas eta arkatz magikoa” ri buruzko galdera ugari erantzun eta gero berak idazteko beharra sentitzen duela adierazi digu. Badirudi munduan gertatzen diren: albisteak, ezbeharrak, egoera tristeak eta horrelako gauzek bere barruan nolabait zurrunbilo bat sortarazten diotela eta idazteko beharra sentitzen du. Modu berean idaztearekin bakarrik lortzen du bere barrukoa lasaitzea.
Artistak bezala, benetan gizon sentikorra dela adierazi digu.

http://www.casadellibro.com/libros/alcantara-ricardo/alcantara32ricardo

BIGARREN MAILAKOEN BLOGA

Martxan jarri berria dute Flemingo 2. mailakoek beraien bitakora edo Bloga. Bertan beraien esperientziak, argazkiak eta eginkizunak zintzilikatzeko asmoarekin.
Ea beste mailakoek ere animatzen diren. Animo!!

http://fleming2001.blogspot.com/