2008/12/18

MARIDOMINGI, ARRATZAIN ETA ARROAN


Dr Fleming eskolako ikasleek sorpresa polita izan dute, Maridomingi etorri zaie esanez laister Olentzaro etorriko dela. Ikasleak hunkituta zeuden, Olentzarorentzako gutuna eskuetan zutela. Neska mutilek aprobetxatu dute eta zenbait galdera egin dizkiote Maridomingiri, baita abestu ere. Maridomingi pozik joan da, esan digu datorren urtean ere etorriko dela.

2008/12/03

ERREALA ARRATZAINEN ,EUSKARA EGUNEAN

Gaur abenduaren 3an Euskara eguna ospatu dugu Errealako : Gorka Elustondo, Eñaut Zubikarai eta Daniel Estrada jokalariekin.
Hirugarren Zikloko Ikasleek bertsoak abestu dizkiete eta ondoren ikasleek prestatutako galderei erantzun diete. Bukaeran jokalariek geletan ateratako argazkiak sinatu dituzte. Giro polita izan dugu eta Flemingo ikasleek ikusi ahal izan dute “Kirola eta Euskara elkarrekin”.

2008/11/26

Elkarbizitza Plana eta Ikasleak


Lehen Hezkuntzako ikasleek Elkarbizitza Planaren barruan 1. fasea, SENTSIBILIZAZIOA, burutu dute. Horretarako, zenbait jarduera egin dituzte. Alde batetik, geletan adostutako “Elkarbizitza”ren definizioak eskolako lore erraldoian idatzi dituzte, argazkian ikus daiteken bezala. Bestetik, geletako ordezkariek aurtengo asmoa erabaki dute. Hona hemen asmo bateratua: “Gure elkarbizitzan sortzen diren arazoak hitz egiten eta denbora eskeiniz konponduko ditugu.”

2008/11/24

2008/11/07



Hauek ELKAR eta BIZI dira.



Eskolako Elkarbizitza hobetzeko asmoz, Dr. Fleming Herri Ikastetxeak Elkarbizitza Plana eta Behatokia sortzeko helburuak ditu aurtengo Ikasturterako.
Eskolan, Elkarbizitza Batzordea eratu da . Honek, helburuak lortzeko burutu behar diren faseak antolatuko ditu. Lehenengo fasea “Sentsibilizazioa” da.
Batzordeak, bai irakasle bai ikasleen “Sentsibilizazio” faserako jarduera bereziak proposatuko ditu.
Partaide guztien jarduera emaitzen berri blogaren bidez zabalduko dira. Hona hemen irakasleentzako aukeratutako Elkarbizitza Logoa.

ARROAKO LAU URTEKOEN BLOGA

Jarri berria dute martxan arroako lau urtekoek beraien gelako Bloga. Eta esan behar da denbora gutxitan lana handia egin dutela. ANIMO!!!!

Hemen ikus dezakezue ....http://www.fleming4urte.blogspot.com/

2008/11/06

URRE, OKRE,GORRI....UDAZKEN ZORAGARRI!




URRE, OKRE, GORRI,
UDAZKEN ZORAGARRI!
Udazkena ere iritsi da aurten gurera bere orbel, gaztaina eta perretxikuek gure bazterrak milaka kolorez jantzi dituztelarik.
2.mailako ikasleok hosto, fruitu eta perretxikuekin zenbait lan egin ditugu,hemen dituzue batzuk!

2008/09/22

4. MAILA ZIZURKILERA

Irailaren 11n, oinez, Zizurkilera joan ginen. Bertan hamaiketakoa jan eta, ondoren, jolasten aritu ginen .Hamabiak aldera eskolara abiatu ginen herriko plazan dagoen Pedro Mª Otaño bertsolariaren bustoa ikusi eta gero.
Denok elkarrekin oso goiz polita pasatu genuen.

2008/09/18

6. MAILAKOAK ASTEASURA

Irailaren 11ean 6. mailakoak, Pello Errota bertsolariari buruzko hainbat gauza ikasi ondoren (biografia, bertsoak...), bere oroitarria ikustera joan ginen Asteasura.

Iaz ere, Bernardo Atxaga landu genuenez, egin genuen Asteasurainoko ibilaldia. Orduan, Villabonatik abiatuta Zizurkileraino igo behar izan genuen bertara iristeko. Baina oraingoan Villabonatik Asteasura zuzenean doan oinezkoen bidea hartu genuen. Oso bide polita eta erraza da, gainera, horrelako irudiak ikus ditzakegu. Bizikletaz ere egin daiteke.
Hurrengo urtean eskolarako buelta autobusez egin beharrean oinez egingo dugu.

2008/09/11

AMASA ETA BERE INGURUA EZAGUTUZ!!



Euskal Asteari bukaera emateko, ohikoa bihurtu den mendi irteera antolatu dugu. Esate baterako, 1.go ziklokoek Amasatik ibili gara eta Juan Antonio Ubillos idazle frantziskotarraren Galatas jaiotze-baserria ezagutu dugu. Ondoren, Amasako parkean eta frontoian ederki ibili gara hamaiketakoa janez, eta giro paregabean, eskolara itzuli gara goiz ederra igaro dugunaren sentsazioaz!

JUAN KRUZ IGARABIDERI BISITA




Euskal Astea dela eta aurten ere irteera bat egin dugu. 3. maila Adunara joan da Juan Kruz Igarabideri bisitan. Bertan, Juan Kruzek oso ondo hartu gaitu eta betiko elkarrizketaz gain liburu bana oparitu digu bere sinadura pertsonalizatuarekin.

2008/09/10

“ Donald, Behia eta Txalupa” jolasak











Euskal Asteari jarraikiz, euskal jolasez gain, beste hainbat egiten ditugu euskeraren inguruan.
1.go eta 2. mailakoekin “ Donald” jokua egiten dugu galdera-erantzunak, frogak, asmakizunak... landuz.



2. eta 3. mailakoekin “Behia” jokua, non hitz ezkutuak asmatu behar dituzten.



4., 5. eta 6. mailakoekin “Txalupa” jokua , euskal esamolde zein esaera zahar lantzen diren.
Ondorio gisa esan genezake, elkarrekiko harremana berreskuratu dutela opor ondoren, bide batez euskera sustatuz



.

“Euskal Jolasak Euskal Astean!”



Azken ikasturteetan bezala, Euskal Astearekin ekin diogu ikasturte berriari eta ekintza ezberdinen artean, Gorputz Hezkuntzako irakasleak Euskal Jolasak antolatu ditugu. Mailaz maila ikasleak 4 esparrutan banatuz (zaku-lasterketa, toka, lokotx bilketa eta txinga proba) jolas guztietatik pasa dira eta erreleboak ematerakoan, baldintza bakarra, taldekideei “esaera zaharrak” irakurtzea izan da (1go zikloa ezik!). Honela, giro bikainean sartu gara 08/09 ikasturte berrian eta guztiak ederki moldatu dira!

2008/09/09

EUSKAL ASTEAREKIN HASI GARA!


Udako oporraldia pasa eta gero hemen gara, berriz ere, eskolan.

Ohitura dugun bezala, modu berezian hasi dugu 2008-2009 ikasturtea, hau da, EUSKAL ASTEA ospatuz.

Aste honetan ekintza ugari egiten dira, hala nola, eskolako maskotaren aukeraketa, euskal astearekin lotutako horma-irudiak, euskarazko bideoa ikusi, jolasak euskaraz ...eta inguruko herrietako idazle edo bertsolari bati buruzko lanketa. Asteari amaiera emateko, mailaka, ibilalditxo bat egingo dugu landu dugun idazle edo bertsolariaren jaioterrira.

2008/09/05

IKASTURTE BERRI BAT




Datorren irailaren 8an 2008-09 ikasturteari hasiera emango diogu. Dagoeneko irakasleok antolaketa lanak egiten aritu gara azken egun hauetan.


Aldaketa batzuk aurkituko dituzue lagunak!!!!, baino 1go mailakoentzat batez ere, latza izango da lehen eguna. Arratzaingo eraikuntzara datoz eta tutore berriak izango dituztelako. Dena den zihur gaude, azkar eta ongi egokituko direla.
ASIER , ANER, AYNABEL, MAIDER, ANE, AITANA, URKO, EGOITZ, OIHANE, MANEX, IKER, AITOR, AICHA, eta NARAYA GLORIA IZANGO DUTE TUTOREA.
MARTA, AURORA,ENEKO,NAROA, PAULA, ANER, ELIXABET, ENARA, ALAITZ, KEPA, LEIRE, ARATZ, ETA ARITZ ELENA IZANGO DUTE TUTOREA.


Animoak!!!!! guztientzat, ikasle, famili eta irakasleetzat.


2008/07/10

IXIAR USABIAGAREN AGURRA




Joanden ekainaren 30ean Fleming eskolako irakasleak, ikasturte bukaerako bazkaria ospatu genuen. Bertan Itziar Usabiagari omenalditxo bat eskeini genion. Ixiarrek eskolako "kontuak" utzi eta jubilazioa deitzen den bizitzaren etapa berrian sartu da.


Bertso batzuk, oparitxoak, loreak, muxuak eta irakasleen guztion txaloak ere jaso zituen Ixiarrek.


Baita beste eskoletara aldatzen diren zenbait irakasleei agurra hunkigarria emateko momentua izan zen.

2008/06/09

FLEMINGO 07-08 IKASTURTEKO FESTA



Aurten ere Fleming Ikastetxeko 07-08 ikasturte bukaerako festa igaro berria da. Ekainaren 7an Arratzaingo eraikuntzan zenbait ekitaldi antolatu ziren:

- Ikasleek kurtsoan zehar egindako lan batzuen erakusketa.

- Mailaz maila egindako dantza eta kanta emanalia:

*3 Urte: Erratzak
*4 Urte: Roke karramarroa
*5 Urte: Zapiak airera
*1.Maila: Alakinkirrik, Alakunkurrun.
*2.Maila: Iritsi da eguna.
*3. Maila: Hokey Cokey.
*4. Maila: Tutira mai.
*5. Maila: Txirula
*6. Maila: Jamelia Superstar eta Agurra.

- Bertso emanaldia.( 5. eta 6. maila)
- Argazki eta telematikoen erakusketa.
- Bazkaria. ( besteetan frontoian, eguraldiagatik aurten kiroldegi barruan izan zen.)
- Arratsaldez B.H.I.koek antolatutako jokoak.

Eskerrak eman nahi dizkiegu hemendik, bai antolamenduetan eta ikusle bezala ibili ziren familia, ikasle eta irakasle guztiei. MUXU ERRALDOIAK GUZTIENTZAT!!!!
Bideotxo bat ikusteko klikatu azpian...

2008/06/06

ANTZERKI EMANALDIA GUREA ARETOAN



Fleming Guraso Elkarteak eskertu eta zoriondu nahi du Idoia Antzerki irakaslea. Lan handia egin du ikasturtean zehar Lehen Hezkuntzako 1go eta 2. mailakoekin. Lan hau ikusteko aukera izan zuten atzo Gurea aretoan egindako emanaldian.
Gurasoak oso pozik azaldu ziren eta eskerrak eta agurrak luzatu nahi dizkiote.

2008/06/04

BERASTEGIKO NESKA-MUTILAK ARRATZAINEN



Berastegiko lagunak Arratzainera etorri dira bisita egitera. Gainera, oso opari politak ekarri dizkigute: 2 antzerki eder. Guk, berriz, 5. eta 6. mailakoek Amaia Agirre bertsolariarekin prestatutako bertsoak eskaini genizkien. Berastegiko neska-mutilak gustura egon ziren. Datorren urtean gu joango garela Berastegira azaldu diegu.


ZIZURKIL ESKOLAKOAK ARROAN




Gaur goizean bisita oso atsegina jaso dugu gure txikien eraikinean.
Zizurkilgo 3-4 eta 5 urteko ikasleak etorri dira antzerki eta dantza egitea, kantagintza programaren barruan. Elkar trukaketan, gure umetxoak ere, abestu eta dantzatu dute.
Guztiz ondo pasa dugu denak arroako patioan eguraldiak lagunduta.


2008/06/03

GURASOAK EUSKARAZ JOLASTEN


Aurten ere guraso talde bat izan dugu Arroako patioan Euskaraz Mintza jolas-tailerrean parte hartzen. Primeran pasatzeaz gain jolasak ikasi dituzte, gero beraien seme-alabekin euskaraz jolasteko.

Eskerrik asko gure artean egoteagatik!!!!!!!!

2008/06/02

5. MAILAKOAK BERTSOLARI ZIZURKILEN







Urtero bezala, Amaia Agirre bertsolariaren laguntzaz, bertso saio bikaina eskaini dute 5. mailako ikasleok. Ahozkotasuna lantzeko bertsolaritza jorratu dugu eskolako ordutegiaren barruan. Horren ondorioz, Zizurkilgo Pedro Mari Otañoko ikasle eta irakasleek gozatu ahal izan dute gure doinu eta hitzekin. Gai jartzaileek taldeka jarri dituzte lanean. Talde batean boxeo konbatean aritu dira; beste batean, alaben bihurrikeriak eta amen errietak kantatu dizkigute; hirugarren taldekoekin bidai baten gorabeherak ezagutu ditugu; hurrengo partaideekin irteera batean gertatutakoak entzun ditugu; bosgarren taldekoek oporretara joan nahi zuten alabak aitonarekin utzita; eta azkenik, agurra kantatu dute.

BERTSO ETA IPUIN SARIAK GUREA ARETOAN


Villabonako Udalak antolatutako bertso eta ipuin lehiaketaren sari banaketa egin zen Gurea aretoan. Gure eskolako 4. mailako ikasleak Garazi Urkola , Ander Iparragirre eta Ibon Martinez hiru lehenak gelditu ziren bertso atalean. Beste ikastolako eta Erniobeako batzuen artean Telmo Gartzia ipuinetan eta 5. mailako Nerea Arregi bertsotan ere, sariak jaso zituzten.
Eskerrak eman behar diogu, guzti hau ahalbideratu duen eta itzalean dagoen Amaia Agirre bertsolariari.

2008/05/29

BOST URTEKOAK VILLABONA HERRIA LANTZEN


Datorren urtean Arratzain eraikinera etorriko diren 5 urteko ikasleak, momentu honetan Arroan ari dira lan eta lan.
Beraien azkeneko urtea da beheko auzoan eta beste gauzen artean Villabona herria landu dute. Bukatzeko maketa polit hauek osatu dituzte.



2008/05/20

BOST URTEKOAK ARRATZAINEN

Gaur Arroako bost urteko bi gelak izan ditugu bisitan. Arroatik aldapa gora etorri dira arratsaldean, datorren ikasturtetik aurrera beraiena izango den Arratzaingo eraikuntza ezagutzera. Jangela, ordenagailu gela, jolastokia eta berezko gelak ezagutu ondoren lehenengo mailakoekin batera abestu eta dantzatu dute. Ondoren familiko senideak bila etorri zaizkie eta aukera izan dute ere Ikastetxea ezagutzeko.

2008/05/13

JULIO VILLAR GURE IKASTETXEAN




Oraindela 40 urte, zazpi metroko belontzi txiki batean eta bost urtean zehar, munduari buelta eman zion Julio Villar abentularia, gure eskolan egon da.

Bera 5. eta 6. mailako ikasleekin elkartu da eta bere gertakizun eta esperientziak azaldu dizkigu.
Aurkitu zituen eragozpenen aurrean, ekaitz, tifoi, sekulako olatuen aurrean, baleei, piratei, e.a. aurre egiteko zenbait aholku eman dizkigu ere.
Baino garrantzitsuena zera izan da:
munduko leku guztietan badago bai jende eta baita gauza interesgarriak ezagutzeko eta bide horretan gertatzen dena da benetan baliotsuena.
6. Mailakoak bere pertsona eta bizitzari buruz egindako power pointa eta beste lanak erakutsi ondoren Juliok sinadurak banatu ditu.



2008/05/05

ESKOLAKO PALA TXAPELKETA


Urtero bezala eta jolasgaraietan, eskolako pala txapelketa antolatu da. Aurten lau kategorietan banatuta: 3. maila, 4. maila, 5. maila eta 6. maila.

Ikasleen partehartzea oso altua izan da, orokorrean 57 ikasle apuntatu dira eta partiduak arrakasta handiz jolasten ari dira.

Oraindik sailkapen fasean aurkitzen gara eta aurrerantzean emaitzak eta sailkapenak agertuko dira gure blogean.

2008/04/25

LIBURUAREN EGUNA

Gure ikastetxean bada programa bat ULIBARRI izenekoa. Ez dakizula zer den? Bada, euskararen erabilera bultzatzeko eskolak duen programa bat. Horregatik, ekintza, ospakizun eta jolas ugari egiten ditugu urtean zehar.
Apirilaren 23an, adibidez, Liburuaren Nazioarteko Eguna zela eta, liburuak irakurriz ospatu genuen Arratzainen. 10: 40 aldera adin desberdineko bi lagun bildu, eskolako txoko batean eseri eta elkarri liburu bat, edo zatitxo bat, irakurri zioten.

2008/04/24

LIBURUAREN EGUNA




Liburu eguna ospatzeko, gure txikiak bisita polita jaso dute.
Ipuin kontalaria, ikasle guztiei ipuinak kontatu dizkie, haurrak poz-pozik egon dira.
Kontalaria gure eskolako ama da, LAURA, berak izugarrizko gogoa jarri dio.
Mila esker egindako esfuerzoarengatik. Beste bat arte.

2008/04/23

LANGILEKO LAGUNAK GURE HERRIAN


Joan den ostiralean, apirilaren 18an, Hernaniko Langile ikastetxeko 3. mailako lagunak gure herria ezagutzera etorri ziren. Horrela burutu genuen Gipuzkoan Zehar Proiektuko bigarren irteera:

Hasieran Fraisorora igo ginen. Gero, Villabonan zehar ibilalditxoa egin genuen, bertako eraikuntza nagusien azalpenak emanez. Hala nola, Udaletxea eta Errebote plaza, Zubimusu zubia, Subijana etxea eta Etxeondo etxe- baserria, e.a.

Bazkaldu eta jolasteko aukera ere izan genuen. Primeran ibili ginen!

Fleming ikastetxeko 3. mailako ikasleak

Ikasleak Txuri-urdinen

Apirilaren 18an Arratzaingo 4, 5 eta 6. mailako ikasleak Txuri-urdin izotz zelaira joan ziren. Bertan, zenbait ariketa eta jolas egiten aritu ziren. Kontu haundiz ibili ziren, erorketak izotz gainean gogorrak baitira!